У мерапрыемстве ўдзельнічала дваццаць мінскіх актывістаў Руху. Гэта дазволіла вылучыць дэлегатаў на ўстаноўчую канферэнцыю па стварэнні гарадской структуры арганізацыі шэсць чалавек. Бліжэйшым часам запланавана правесці яшчэ тры аналагічныя сходы мінскіх актывістаў з іншымі ўдзельнікамі і абраць дадатковых дэлегатаў.
Мяркуецца, што ўстаноўчая канферэнцыя па стварэнні гарадской арганізацыі Руху «За Свабоду» адбудзецца ў першай палове чэрвеня. На ёй таксама будзе пераабрана кіраўніцтва гарадской структуры Руху. Сярод верагодных прэтэндэнтаў называюць Алеся Лагвінца і Аляксея Кавальца. Пасля гэтага неабходныя дакументы будуць накіраваныя ў Мінюст.
Каардынатар Руху «За Свабоду» па Мінску Юрась Меляшкевіч выступіў са справаздачай дзейнасці арганізацыі за апошнія тры гады. Намеснік старшыні Руху «За Свабоду» Юрась Губарэвіч выступіў з дакладам пра бягучую палітычную сітуацыю. Прысутныя таксама абмеркавалі план дзейнасці на бліжэйшую перспектыву.
