«Што было на віду ў памяшканні ўчастка, тое адбывалася па праўдзе. А што на вынас... Камісія прыходзіла з скрынямі для галасавання па месцу знаходжання, забітымі бітком», - адзначыў Каз'янін.
Па ягоных словах, камісія па сялу выязджала тры разы, і яго з сабой пры гэтым браць адмаўляліся. «Даказаць я адзін не магу. Незалежных назіральнікаў не было, а тых, што ад улады заткнулі момантам», - дадаў сябра Руху «За Свабоду».
«Адзін у полі не воін», дадаў ён.
Былі на ягоным участку і «гульні з яўкай». «У маё дзяжурства на датэрміновым было 26 чалавек, а потым пайшло па нарастаючай. Гнаць пачалі на выбары», - адзначыў Каз'янін.
