Сябра Рады Руху «За Свабоду» плануе вылучацца кандыдатам па Брэсцкай-Цэнтральнай выбарчай акрузе №2. Іншыя акругі Брэста закрыюць прадстаўнікі выбарчага блоку "Cупраць будаўніцтва акумулятарнага заводу": Аляксандр Кабанаў, Алена Макарэвіч і Ўладзімір Мароз.
15 верасня на Плошчу Леніна ў Брэсце выйшлі каля 150 чалавек, яны абмяркоўвалі ўдзел сябраў блоку супраць АКБ у парламенцкіх выбарах.
Актывісты чакаюць рэгістрацыі ініцыятыўнай групы Мароза, а затым будуць праводзіць адзіныя пікеты за ўсіх чатырох актывістаў. Плануецца, што пікеты будуць праводзіцца штодня ў пяці-шасці пунктах Брэста.
Пасля сустрэчы на плошчы, якая працягвалася прыкладна да 12.40, праціўнікі будаўніцтва завода прайшлі па цэнтральных вуліцах Брэста - Пушкінскай і Савецкай - да кінатэатра «Беларусь».
