«Згодна з пратаколам, участковы Лідскага РАУС Лукін У.А. знайшоў у публікацыі «Хартыі» заклік да удзелу у "Акцыі папярэджання" у Менску 8-га верасня, супраць вучэнняў "Захад 2017"», - распавёў сайту Pyx.by Валер Мінец.
У пратаколе таксама падкрэсліваецца, што правапарушэнне здзейсненае паўторна на працягу года пасля накладання спагнання, таму разглядаецца па арт. 23.34 ч. 3. «Ад яўкі ў РАУС і ад тлумачэнняў адмовіўся», - заявіў участковы Лукін.
«Увогуле ніякай справы тут і быць не магло, бо я, ведаючы, што сам не планую ўдзельнічаць у "Акцыі Папярэджання" 8 верасня, не меў маральнага права кагосьці заклікаць. Таму я гэтага і не рабіў. Мой заклік быў бараніць Радзіму ў выпадку расійскай агрэсіі», - падкрэсліў актывіст Руху.
Па ягоных словах, гэта відавочна, калі праглядзець згаданы артыкул.
«Другі аспект гэта правапрыменяльная практыка ў судах. Мы бачым гвалт і парушэнне фундаментальных правоў чалавека, справаздачны падыход і фактычную імпатэнцыю беларускага суда, за каторы рашэнні прымаюцца ў іншых пакоях», - падкрэсліў Валер Мінец.
