«Акцыя 1 траўня можа стаць шансам для аб'яднання апазіцыйных сілаў», - сказаў на першым паседжанне аргкамітэта старшыня Беларускага кангрэсу дэмакратычных прафсаюзаў Аляксандр Ярашук.
«Для нас важна, каб акцыя была мірнай, усё адбывалася празрыста і ў адпаведнасці з пададзенай заяўцы», - адзначыў на аргкаме старшыня Руху «За Свабоду» Юрый Губарэвіч.
Прадстаўнікі прафсаюзаў запрасілі для ўдзела ў аргкаме прадстаўнікоў самых буйных палітычных сілаў. На сёння ў аргкамітэце ўдзел прыпынілі прадстаўнікі Прафсаюза рэдыёэлектроннай прамысловасці і палітык Уладзімір Някляеў, у сувязі з тым, што «Гавары праўду» у ім прадстаўляе Андрэй Дзмітрыеў.
Папярэдне ўдзельнікі аргкама дамовіліся прапанаваць Мінгарвыканкаму месца збору «Акадэмію навук» і рух да плошчы Бангалор. Час збору 16.00, 1 траўня. Гэты план можа быць яшчэ зменены пасля абмеркавання ўнутры палітычных структураў.
