Пры гэтым дакумент, ухвалены арганізацыяй, мае і канкрэтную прапанову да ўладаў нашае краіны — абмежаваць трансляцыю расейскіх каналаў, хаця б спыніўшы яе ў грамадскіх месцах. Звяртаюцца актывісты і да ўладальнікаў прыватных установаў — ад цырульняў да кавярняў — з заклікам выявіць незалежніцкую пазіцыю і не ладзіць публічных трансляцыяў расейскіх тэлеканалаў.
Паводле першага намесніка страшыні Руху «За Свабоду» Юрася Губарэвіча, большая частка беларусаў падтрымлівае дзеянні Расеі, і гэта вынік крамлёўскай прапаганды.
«Спыненне расейскіх тэлеканалаў можа выклікаць агрэсію з боку Крамля. Аднак можна пачаць з малога, спыненне прапаганды ў грамадскіх месцах, спартовых, медычных установах, дзе людзі супраць сваёй волі становяцца спажыўцамі», — разважае палітык у інтэр’ю на «Белсаце».
«Беларускія тэлеканалы займаюць больш узважаную палітыку. Таму што яна мусіць адпавядаць палітыцы Аляксандра Лукашэнкі. Ён узяў курс, на тое, каб стаць міратворцам у рэгіёне. Гэта лепш, чым інфармацыйная вайна, якая ідзе з расейскіх тэлеканалаў. Найлепш бы было, калі б у Беларусі была дазволена трансляцыя ўкраінскіх тэлеканалаў альбо еўрапейскіх»? — лічыць Губарэвіч.
