Пасяджэнне адбылося 25 студзеня.

«Размаўлялi пра балючыя рэчы: якасць камунальных паслугаў, энергазберажэнне, абарону навакольнага асяроддзя ад забруджвання адыходамі хатняй гаспадаркі», - распавяла Pyx.by намесніца старшыні Руху «За Свабоду» Галіна Скараход.

Па яе словах, пры гэтым, «раз-пораз узнікалі паралелі памiж якасцю абслугоўвання i карупцыйнымi схемамi перакрыжаванага субсiдыявання камунальнай гаспадаркi».

«Ужо даўно нiхто не спадзяецца на жэсаўскiх майстроў, усе намагаюцца лiквiдаваць недаробкi самi альбо шукаць прафесiйных майстроў у прыватных фiрмах. Таму зразумела, што адказы трэба шукаць у комплексе мераў, якiя могуць паспрыяць паляпшэнню становішча ў гэтай галiне», - патлумачыла Галіна Скараход.

Перш за ўсё, лічыць яна, гэта барацьба з карупцыяй шляхам, прапанаваным партыямi i грамадскiмi арганiзацыямi у сумеснай антыкарупцыйнай платформе.

«Вельмi важна, што гэтыя мерапрыемствы праводзяцца з улiкам iнтарэсаў усiх сталых удзельнiкаў - партый i арганiзацый - па схеме, калi кожны можа прапанаваць тэму дыcкусii для наступнага пасяджэння», - падкрэсліла намесніца старшыні Руху.

Іх мэтай з'яўляецца «умацаванне сацыяльнага статусу жанчыны як прыхiльнiка i актара ў сферы грамадскiх i палiтычных пераўтварэнняу у краiне», заключыла Галіна Скараход.