— Увесь ход працэсу супраць Мікалая Аўтуховіча, Уладзіміра Асіпенкі і Міхаіла Казлова, абуральныя працэдурныя парушэнні, наўмысна непраўдзівыя паказанні сведкаў ад абвінавачання адназначна сведчаць пра палітычны і заказны характар дадзенай справы. Беларускія праваабаронцы, аўтарытэтныя міжнародныя арганізацыі прызнаюць гэтых асобаў вязнямі сумлення, — заяўляе Аляксандр Мілінкевіч.
Лідэр Руху «За Свабоду» заклікае беларускую і міжнародную дэмакратычную грамадскасць праявіць салідарнасць з Мікалаем Аўтуховічам, Уладзімірам Асіпенкам і Міхаілам Казловым, супольна дамагацца поўнага і безагаворкавага вызваленьня ўсіх беларускіх палітычных вязьняў і спынення палітычных рэпрэсіяў у Беларусі.
