Нагадаем, што рух «За Свабоду» рэзка асудзіў планаваны ўдзел расейскіх салдат у парадзе 3 ліпеня з нагоды афіцыйнага Дня незалежнасці Беларусі.
«Расея праявіла сябе як краіна-агрэсар. З яе ініцыятывы пачаліся тыя жахлівыя падзеі, якія зараз адбываюцца на ўсходзе Украіны», — кажа Радыё «Рацыя» Юрась Губарэвіч.
Па ягоных словах, «фактычна Украіна і Расея ўцягнутыя ў вайну, якая падтрымліваецца Расеяй».
«Таму дэманстрацыя вайсковага ўзбраення, тэхнікі, удзел у мерапрыемствах 3 ліпеня пад расейскімі сцягамі, на нашую думку, непрымальны», — заключыў першы намеснік старшыні Руху «За Свабоду».
