Віктару Паўлавічу Статкевічу споўнілася 84 гады.
Актывіст «Руху «За Свабоду» Віктар Сырыца адзначыў, што ўжо другі дзень Статкевіча старэйшага безперапынна віншуюць з днем народзінаў яго былыя вучні, партыйцы, грамадскія дзеячы і проста грамадзяне з многіх рэгіёнаў Беларусі. Людзі шчыра яго падтрымліваюць і жадаюць скарэйшай сустрэчы з сынам Мікалаем.
Баранавіцкія актывісты павіншавалі Віктара Статкевіча з днём народзінаў, уручылі кветкі і падаравалі зборнік твораў беларускага пісьменніка Ўладзіміра Караткевіча. Яны пажадалі яму моцнага здароў’я і скарэйшага вызвалення сына Мікалая.
Спадар Віктар Статкевіч прачытаў віншавальны ліст з турмы ад сына Мікалая, які атрымаў 18 студзеня. Гаспадар пачаставаў гасцей кавай і булкай. За святочным сталом гаманілі пра нялёгкае жыццё і цяперашні стан Беларусі. Уніяцкі святар Яўген Маліноўскі правёў малітву і зрабіў абрад асвячэння вады ў свята Хрышчэння Гасподняга.
