Шаноўная Пані Агнешка!
Ад імя Руху «За Свабоду» шчыра віншую Вас як грамадскага дзеяча, журналіста і кіраўніка першага незалежнага тэлеканалу Беларусі з атрыманнем прэміі імя Ежы Гедройца!
Гэта высокае прызнанне Вашага ўнёску ў справу збліжэння нашых краінаў, развіцця свабоды слова і ўмацавання дэмакратыі ў рэгіёне!
Зычу добрага здароўя, моцы, аптымізму і поспехаў у далейшай працы на карысць збліжэння і ўмацавання прыязных сувязяў паміж польскім і беларускім народамі.
З павагай, Аляксандр Мілінкевіч
Нагадаем, прэмія імя Ежы Гедройца — прэстыжная ўзнагарода газеты «Жэчпасполіта», заснаваная ў 2000 годзе, пасля смерці вядомага публіцыста і рэдактара літаратурнага часопіса «Культура» Ежы Гедройца. Ягонае выданне стала ў мінулым стагоддзі сапраўдным цэнтрам польскай палітычнай і грамадскай думкі. Штогод узнагародай адзначаюцца асобы, якія робяць значны ўнёсак у грамадскае, культурнае і палітычнае развіццё Польшчы, умацоўваюць яе пазіцыі ў Еўразвязе і развіваюць адносіны з краінамі-суседзямі.
