У першай палове дня Аляксандр Мілінкевіч наведаў горад Баранавічы, дзе прыняў удзел у пікеце па збіру подпісаў за Рыгора Кастусёва. Гэты пікет ужо амаль на працягу месяца ладзіць баранавіцкі прадпрымальнік Мікалай Чарнавус на цэнтральным кірмашу у Баранавічах.
Менавіта з Баранавічаў Аляксандр Мілінкевіч распачаў яшчэ ў 2005 годзе сваю перадвыбарчую агітацыю ў якасці адзінага кандыдата ў прэзідэнты ад аб’яднанай дэмакратычных сілаў. Таму Мілінкевіча тут добра ведаюць. Наведвальнікі кірмашу з цікаўнасцю спыняліся ля пікету. Людзі не толькі ахвотна ставілі свае подпісы за Рыгора Кастусёва і іншых кандыдатаў, але і з задавальненнем размаўлялі з Аляксандрам Мілінкевічам аб сацыяльна-эканамічным і палітычным становішчы ў нашай краіне.
У другой палове дня лідэр Руху «За Свабоду» кіруецца ў Слонім.
