Грунтоўная размова на тэму бліжэйшых прэзідэнцкіх выбараў, перспектываў развіцця праграмы Ўсходняга партнёрства, дзейнасці Еўранэста, вырашэння візавага пытання доўжылася больш за гадзіну.
Аляксандр Мілінкевіч падрабязна распавёў Ежы Бузэку пра палітычную і эканамічную сітуацыю, што склалася ў Беларусі напярэдадні выбараў, патлумачыў прычыны адмовы вылучацца кандыдатам у прэзідэнты, а таксама паведаміў пра формы свайго ўдзелу ў палітычнай кампаніі.
Напрыканцы размовы лідэр Руху «За Свабоду» падзякаваў старшыні Еўрапарламенту за нядаўнюю заяву адносна выбараў у Беларусі, у якой даецца вельмі трапная ацэнка выбарчага працэсу ў Беларусі.
